استراتيجية BO ومؤشر الزجزاج فقط!!!

بسم الله الرحمن الرحيم

Bo Strategy

النهاردة هشرح جزء صغير ولكنه مهم

وفى نفس الوقت انا بحضر لكم الملف وشرح الطريقة واهم النقاط فيديو
ارجوا الصبر من الاخوة عشان الم لكم كل النقاط ومنساش اى نقطة وبعتذر عن ضيق الوقت بالنسبة لى بسبب ظروف الحياة ...

معلش كلمتين لازم اقولهم ف المقدمة عشان لو سيبتهم للخاتمة يبقى محدش هيقراهم

الفوركس بسيط جدا يا شباب

الحكاية بسيطة جدا كلها بالملاحظة البسيطة اللى ممكن اى حد يوصل لها.

مش معجزة او حاجة خارقة للطبيعة انك تعرف سر من اسرار الفوركس
كل حاجة بتكون ادام عينيك بس للاسف ناس كتير داخلة السوق ده عشان تحقق ربح بدون تعليم
مينفعش تحقق ف الفوركس اى ربح من غير ما تتعلم
لو كسبت النهاردة وبكرة وبعده اكيد هتخسر بعد كده لانك ماشى بطريقة عشوائية واكيد لازم تخسر.
بأكد لكم سر النجاح  الوحيد ف الفوركس وف كل شئ هو الالتزام ...

واتمنى محدش يجرب الطريقة ع الحساب الحقيقى قبل ما يفهمها كويس ويعرف يطبقها كويس جدا

نصيحة من اخوكم بلاش تعقدوا الدنيا J

الجزء اللى هشرحه هو ازاى اعرف ان الزجزاج هيعيد رسم نفسه مرة تانية ولا لأ

تعالوا نفترض ان زوج اليورو دولار كون قمة والسعر هينزل ولكن الزجزاج اعاد رسم نفسه زى الصورة اللى انا جايبها لكم دى وهنشوف ازاى تقدر تتوقع اعادة الرسم

لو لاحظت الخط الازرق ده كان خط الزجزاج قبل ما يعيد رسم نفسه ويكون قمة جديدة

لو نفترض اننا ف السوق الحالى القمة هى الخط الازرق ولسه السوق معملش قمة جديدة

بص ع الشموع اللى بجانب القمة ل 3 شموع لو لقيتهم التلاتة كلهم ف مستوى واحد يعنى السعر ينزل يكون شمعة هابطة يجى اليوم اللى بعده تلاقى شمعة صاعد واغلاقها قريب من افتتاح الشمعة اللى قبلها والشمعة التالتة هابطة واغلاقها قريب من سعر افتتاح الشمعة اللى قبلها

يبقى كده السوق هيمشى بشكل عرضى لفترة وهيطلع يكمل ويعمل قمة جديدة
لاحظوا ده ع الازواج اللى ضربت لكم اى ستوب هتلاقوا كلامى صح

هنشوف مثال تانى ع الاربع ساعات ع زوج الدولار ين

هتلاقى ان السعر عمل  قمة ومشى السوق بشكل عرضى هنا  انا بتاكد ان السعر هيعمل قمة جديدة والزجزاج هيعيد رسم نفسه  طبعا مش لازم يكونوا 3 شموع او 4 لا اللى انا اقصده انك تلاقى الشموع اغلاقاتها وافتتاحاتها قريبة من نفس السعر
او بالاصح بيتحسسوا المنطقة اللى هما فيها دلوقتى ولو حطيت مؤشر جيد للدعم والمقاومة هتلاقى ان السعر واقف عند خط مهم جدا وبيختبره عشان لو كسره يبقى يكمل فوق ويعيد الزجزاج رسم نفسه او يكمل لتحت ويفعل لنا الامر المعلق ويحقق الهدف باذن الله

وهنا ف الصورة السعر مرتين يعمل قمة ويكسر ويكمل فوقها ويعمل قمة تالتة
لاحظوا الخط الازرق دى اول قمة والسوق مشى بشكل عرضى وطلع اعاد رسم نفسه ومشى وكون قمة واعاد رسم نفسه وبعدين للمرة التالتة كون القمة الاكبر هى باللون الاحمر لون الزجزاج العادى

مثال تانى للتوضيح ... عندنا شارت اليورو دولار الفريم اليومى

والسعر حاليا عامل قمة للزجزاج باللون الازرق وكان السعر مشي عرضى بحوالى 3 شموع افتتاحاتهم واغلاقاتهم قريبة من نفس السعر اذن هنا انا ببدأ اتوقع ان السعر هيطلع ويكون قمة جديدة حتى لو فعل لى الامر المعلق وهدفى اتحقق ولكن انا بتوقع انه هيطلع ويعيد رسم نفسه عشان الشموع اللى بعد القمة شكلها عرضى ودى اكيد بتتحسس منطقة سعرية مهمة وقوية جدا

ودلوقتى هعرض لكم شوية امثلة ع كلامى عشان تتأكدوا

الخط الازرق هو عشان احدد لكم قمة الزجزاج الاولى والخط البنفسجى هو قمة الزجزاج التانية

وهكذا ....

مثال اخر للباوند ين ع فريم الاربع ساعات

مثال لليورو دولار فريم اليومى

اتمنى انكم تطبقوا الجزء ده الاول وتراجعوا

كل الشارتات ع مدار الايام والشهور اللى فاتت عشان تتأكدوا من كلامى

وبكرة ان شاء الله الملف هيكمل وهرفعه لحضراتكم ف الجروب ولكن التمسوا لى العذر انى عندى مشغوليات كتير وشغل وحياتى الشخصية اللى لازم يكون ليها حقها

انا اسف ع التأخير واسف لو بتأخر ف الرد ع بعض الاشخاص ف الفيس ولكنى بكون مشغول جدا
ارجوا تقبل اسفى  L

وربنا يوفقنا جميعا J

خليكوا عارفين دايما ...

اذا لم تزد شيئا الى الحياة فانت زائدا عليها J

ملفات الطريقة

http://yoineer.com/BjgG
http://yoineer.com/BjhM
http://yoineer.com/BjiH

Hassan Ahmed
Hussein Ahmed

Bo Strategy